Davolash ishi yo`nalishi

Davolash ishi ta`lim yo`nalishi – sog`liqni saqlash sohasidagi yo`nalish bo`lib, u tibbiyot sohasini rivojlantirishga, istiqbolini belgilashga, kasbiy ko`nikmaga, mutasaddilik qobiliyatiga yo`naltirilgan inson faoliyatining vositalari, usullari, uslublarining majmuasini qamrab oladi. Davolash ishi yo`nalishi tibbiyotning eng nufuzli yo`nalishlaridan biri bo`lib bu yo`nalishda mamlakatimizda bu yo`nalish bo`yicha kadrlar 100 yildan ortiq vaqt mobaynida tayyorlab kelinadi.

O`quv dastur maqsadi

Talabalarga tibbiyotning fundamental, klinik oldi va klinik fanlari bo`yicha chuqur nazariy va amaliy bilim hamda ko`nikmalar berish. Umumiy amaliyot shifokorini tayyorlash.

Natija

6 yillik o`quv dasturini o`zlashtirganlaridan so`ng bitiruvchilar umumiy amaliyot shifokori diplomiga ega bo`ladilar. Bitiruvchilar ta`limni magistraturada 70 dan ortiq mutahassisliklar bo`yicha davom ettirishlari mumkin bo`ladi. Bakalavriat davrining o`quv dasturi:

1-2 kurslarda talabalar tibbiy-biologik fanlar (odam anatomiyasi, tibbiy kimyo, tibbiy biologiya, gistologiya, normal fiziologiya, tibbiyot kasbiga kirish va b.)

3-4 kurslarda talabalar klinik oldi va klinik fanlar (patologik anatomiya, patologik fiziologiya, farmakologiya, ichki kasalliklar propedevtikasi, bolalar kasalliklari propedevtikasi, pediatriya, gematologiya, tibbiy psixologiya va b.)

5-6 kurslarda talabalar mutahassislik fanlari (gospital jarrohlik, gospital terapiya, akusherlik va ginekologiya, oftalьmologiya, otorinolaringologiya, psixiatriya, klinik farmakologiya, xirurgik kasalliklar, ichki kasallkilar va b. dan tahsil olishadi

Davolash ishi ta`lim yo`nalishi bo`yicha bakalavr kasbiy tayyorgarlikdan keyin:

Akusherlik va ginekologiya;

Endokrinologiya;

Terapiya (yo`nalishlar bo`yicha);

Otorinolaringologiya;

Kardiologiya;

Oftalmologiya;

Yuqumli kasalliklar (yo`nalishlar bo`yicha);

Dermatovenerologiya;

Nevrologiya;

Umumiy onkologiya;

Psixiatriya;

Xirurgiya (yunalishlar bo`yicha);

Tashxisning instrumental va funktsional usullari (yo`nalishlar bo`yicha);

Neyroxirurgiya;

Sog`liqni saqlashni boshqarish (yo`nalishlar bo`yicha)

Tibbiy psixologiya;

Urologiya;

Morfologiya (yo`nalishlar bo`yicha);

Narkologiya;

Anesteziologiya va reanimatologiya;

Travmatologiya va ortopediya;

Oilaviy tibbiyot;

Sud tibbiyot ekspertizasi;

Patologik anatomiya;

Shoshilinch tibbiy yordam;

Farmakologiya magistratura mutaxassisliklari hamda klinik ordinatura bo`yicha ikki yildan kam bo`lmagan muddatda o`qishni davom ettirishi mumkin.

Shuningdek, o`rnatilgan tartibda mustaqil tadqiqotchilik asosida ilmiy-tadqiqot ishlarini olib borishi mumkin.